Ärabij bädävi

Sa adamij tižaratıs safarijqa harkʼınna. İšbišej baxt vuxha deš, manghus xaaqa sak’alas ıkkıjkın. Jäqqa xurdžumejnče oxhanasın karbı qiğajšu, odxhan girğıl. Jäqqılj sa mıssına bädävi äljhää ıxha. Manģve ärabıs salam hivo, ivhu:
- Zı jiğni ölkajle vorna, İrakejqa äljhää. 
Ärabeе qidghın ha’u:
- Jizdi xizanni häk’ej xabarbı vodunbıne? 
- Vodunbı,- bädäve žavab hivu. 
- Jizda dix näxürij?
- Allahalqa šukr, mana jugrajij. 
- Manģuni jedjni häk’ej?
- Manar gejr jugrajij. 
- Jizın xav näxüdij?
- Gejd midžagdajij, vak’le ac’an.
- Jizda deva bes näxübij? 
- Gejb kokbajij. 
- Xwaa bes näxübij?
- Hämmašijna xhinne xav hivaaže. 
Gırgınčile k’ırı gjaqqı, taažir šadxha, mer kar odxhan girğıl, šadın xabarbı adıjni bädävijs hidčud täklif hidja’u. Birdanba äq’ana sa q’ına agvalj vuxha va ek’ba djugulj vuxha. 
Bädävi ämäl ha’u, ärabee žus oxhanasın kar hileženva ivho:
- Bajvalla ek’ba älhää mana q’ına xhinne. Zı vak’le ivhojn gırgıda qodkuda. Amma man sanixha ıxha, ģijna… Mana q’ına ģadaaxhvanas dešdij, jiğna xvaa sağba vuxhananij. 
- Xvaa qivk’une? - ärabee qidğın ha’u. 
- Ho’o, manče jiğni devajn xädda odxhun, - bädävee žavab hivu. 
- Hižone ğu eyhe! Devab qivk’unane? 
- Ho’o, mana givk’u jiğna xhunaše qik’uma. 
- Jizda xhunašene qijk’u?
- Jižejžar již gijk’u duxajlqa c’ijal jixhava. 
- Jizda dixır qik’unanij? Bïrq’ qixhena ğu!
- Jiğni xaan daxa ģ’idxhu manģulqa. 
Man žuvabbı ģajxhıma ärab ek’ra oża qixha, devajlqa gju’ur, ark’ınna, k’elidxın xuržum odxhanni karıkva. 
Bädävee xuržum aljat’u, gırgıda odxhun ivho:
- Ärab gejr šadra ixhes xaaqa qarımej. 

Ärabaašda mexxv