Хьебни биссийкӏле - кӏарни, йыӏххъни, джагварни - кьоӏв къавджу, манчини хъигьна къададхьун. Кьоӏв хоӏйни кьовейхъа къобкӏул. Биссеэр манчини хъигьна. Кьоӏв гьивхуна. Кьовейнче хьейибле джагваран биссеэр хъигъеэчӏу. Хьебни джагварани биссеэшикӏле аккас хъыӏрхъыӏмыӏтӏ къавджу ва манчини хъигьна къададхьун. Хъыӏрхъыӏмыӏт йиссейни самаварни турбейхъа ивчӏу, биссеэр манчини хъигьна. Хъыӏрхъыӏмыӏтӏ гьивхуна, турбеэйнче хьейибле кӏарын биссеэр хъигъеэчӏу. Хьебни кӏарни биссийкӏле навуре балугъ къаджу, манчини хъигьна къададхьун. Балугъ хьинекʼ авхъа адкӏын, хьинейнче хьейибле дурана биссий хъигъивчӏу. Хьейибле дуран биссеэр хаахъа адкӏын. Йаӏххъаӏ манбы къур хъедхьа, водунбы хьинне хъедхьа: кӏарна, йыӏххъна, джагварна.
Sa mexxv vuxhana devxhana. Djunjejlj sa vobni dešdi xivej sa xärna avčij ıxhana. Žun dojid ıxhajn Kaʼali babajna dix Bajruljulij. Xiv mıs-mıkʼa qivxha. Sa čara avxu avčijlqa Bajruljulijlqa. Bajruljulij ekʼna avčij ıxha. Žuna gullje avhuna qootʼa vuxha djuzjba. Jiğ dešdi sa jiğılj, häfda dešdi sa häfdajlj harkʼınna kʼonaqa žuni tifangukva. Tifanguqad dexhajn čaxma. Ijkır, ijkır birdanba cʼibni kolej vuxdjovxuna ģïjejna bala ģavžu. Čaxma dešdi tifangukva mana givkʼuna. Xivejqa geljhaj havʼu. Xivna xärna kʼılna qortʼul bıkırba ģïjejna bala xivejqa qavaljes. Šavusse hižoojee aljatʼas äxäs šalalamiš ebxhe. Bıkırba ģïjejna bala xivejqa sa xädni attejqa savʼuna. Bajruljuljee ivhojn: “Xiveedın gırgın ģeljbı dešin gindarangbı, xhane dešin xädda kʼumkʼumbı saʼu, os dešin užağbı qahu, ģïjejna bala qooxhvaras. Kozelqa qʼıšod qiğičʼu, čurad žamaʼätın odxhunin. Axvijnıd qʼıšıkva sanad har nafasıs, žamaʼätıs bitʼalaʼijn. Žamaʼät mısvallijke hajnäxud Bajruljuljee ģattixhanaʼijn. Jiqbišin foljklor
Comments
Post a Comment