Čʼärana Kʼatʼar

Sa xivej gejr mižagna ičij ješemišejxhi jixha. Jedis mana jikkan jixha, adijs jedijle gejr. Sa jäqqe adjee ženi xıdılıs čäran kʼatʼar ivijxhu, man ičijs gejd qʼabıljxha, hämmaše aljaʼas ıkkijkın. Manģe gırgınanģä man kʼatʼar aljaʼa ıxha, mančilj alla gırgınģve Čärana Kʼatʼar on haʼa gibğıl. 

Sa jäqqe jedjee maxxhvarabi haʼu ičijkʼle ejhen:

"Hejra jekʼne adijsqa mana čʼırijxhana. Maxxhvarabı ıkkee, qʼıšna tʼoppij vukkee. İlejkke čʼalaqa iljmejzar šavukvažad jušen himejʼa."

 Čʼärana Kʼatʼar jedijle kʼırı gjaqqana ičij jixha, mana jäqqılqa qiğijčʼes häzirijxha, adijsqa harkʼınna. Adij medni xivejʼar ješemišejxhenij. Jäqqa mana ijkaranģä manģısqa umulj qizaaxa. Umuljus mana ejxhvanas jikkijkına, amma qäbqʼınna, mančike jakʼvbišin sesbi kʼanenče qää ıxha. 

Mančin qijghan:

"Njaqane vu ääna, Čʼärana Kʼatʼar?"

İčijsse čʼalaga ilejzaras, šavukvažad jušen hidejʼas kʼelidxınijn žavab qelen:

"Adijsqa jiqqä. Maxxhvarabı, qʼıšna tʼoppij ıkkejkka."

"Jiğna adij äqʼänane ješemišejxhi?" umuljen qijghan.

"Gejr äqʼäna!" Čʼärani Kʼatʼaree žavab qelen. "Šeni jöxxäni jïqʼälj xiv vobna, xivejqa ebačʼenģä cʼeddijni xaa."

"Acʼanne, zınab jiğni adijsqa vüqqäs," umuljen ejhen. "Zı ini jäqqïlje ääs, vu mani jäqqïlje, dora iljaakkas hašuje ekʼra hixharas."

Umulj nekki žitʼani jäqqïlje ģadabxhun, ičij javašra xılijni jäqqïlje harkʼın. Jäqqa manģe tʼučbi saʼa, mäʼnijbi hekʼva. Umulj cʼebbijna adijni xaaqa hibxhır akka geta: tʼaqʼ-tʼaqʼ.

"Hašune maa?"

"İna zı jiğna xıdılorna, Čʼärana Kʼatʼar," umuljen kʼïväni sesikva žavab qelen. "Maxxhvarabı, qʼıšna tʼoppij adı."

 Adij jorğanıkj avur ģalirxhu jixha čʼırra, manče cʼir haaʼa:

"Tʼöʼ cʼıcʼeʼe akka jižad aaqasın."

Umuljen tʼöʼ cʼıcʼavʼu akka aaqı. Mana adijlqa ģobkʼul, xhebılle jiğna hidčud odxhun dešva, bıkırra adij kʼjorğu. Umuljen gojnje akka utʼumaʼu, adijni žigajlj ģalibxhu Čʼärana Kʼatʼar gozetj hejʼa gibğıl. Sa gahılje qijğa mana adijni xaasqa hirxhır akka geta:

"Tʼaqʼ-tʼaqʼ."

"Hašune maa?"

 Čʼärani Kʼatʼarıkʼle kobudun ses ģajxhı qärqʼınna, gojne fıkırramišijxha adijn ses mana čʼırra vornava kobud qixha, ičee žavab qelen:

"İna zı jiğna xıdıl vorna, Čʼäran Kʼatʼar, vas maxxhvrabı qʼıšna tʼoppij adı."

Umuljen kʼïväni sesikva cʼir haaʼa:

"Tʼöʼ cʼıcʼeʼe akka aaqasın."

 Čʼärani Kʼatʼaree tʼöʼ cʼıcʼavʼu akka aaqı. İčij ijčesse umulj jorğanni avub ivču ičijkʼle mana qidevacʼasdimee, gojnje ejhi:

"Maxxhvarabıjij qʼıšna tʼoppij sa žigajlj gixxhe, qejra jizdi kʼane, ģalijxhe, jäqqa orzurna."

Čʼärana Kʼatʼar kʼane ģalijxhu qijghan: 

"Adij, aj adij, njaʼasne vaqad mäxdün xädın xulabbı vod?"

"Vu utʼumra xüvajirxhasdimee."

"Adij, aj adij, njaʼasne vaqad mäxdün xädın kʼıribı vod?"

"Jiğın ses jugda ģajxhesdimee."

"Adij, aj adij, njaʼasne vaqad mäxdün xädın ulabbı vod?"

"Vu jugra ģajžesdimee."

"Adij, aj adij, njaʼasne vaqad mäxdün xädın silibı vod?"

"Vu ejxhvanasdimee!"

Man žuvabbı ivho umulj ičijlqa ģobkʼul kʼjorğunna. Hamani vaxtalj čʼalaga osaqanbı (os qaxanbı) išlemišooxhi vuxha. Manbišikʼle sesbı ģajxhı ģadabxhun xaasqa, ebčʼu umulj givkʼuna. Gojnje mančina vuxhun gjabxı, manče Čʼärana Kʼatʼar, manģıni qihna adij qiğebčʼu - qʼöjir sağba salamatba.