Nasraddinna vaʼäz

Nasraddin äkʼeljnana, jikʼ ačuxna adamij ıxha. Sa xivni čʼekʼınbiše manģus manzikej vaʼäz qäbqeva xahiš havʼu. Nasraddinıkʼle acʼanij žuna vukʼulj äkʼeljnani fıkırbiše gjavcʼu vuxhaj, vaʼäzıs häzir dexhana. Cʼeddijni jiğılj mičʼejr mana manzikni akkej iljorzur ejhe:

"Jišin čubabı, šokʼle acʼanne, zı häšde nišni häkʼej jušenaʼas ıxhaj?"

İnsanaarše vukʼuljbı avqa qaʼu ejhen:

"Ši kasibın insanaar vobunbı. Šakʼle nenčene acʼaxhes ğu nišni häkʼej jušenaʼas ıxhaj?"

Nasraddine qʼaččij qobkuba qavʼu ötkamra ejhe:

"İštte, zı injaa lezimra dešor." mančer ajkʼan.

İnsanaaršis maraxlıda qadı, qihnijni ülžumani jiğılj manzikejqa xäbba insanaar sabı. Mer Nasraddin vaʼäzıs häzır dexhana. Mana ögejqa qixha qijghan:

"Jišin čubabı, šokʼle acʼanne, zı häšde nišni häkʼej jušenaʼas ıxhaj?"

İnsanaarše ini jäqqe vukʼuljbı avqa qidjaʼa.

"Šakʼle acʼan! Šakʼle acʼan ğu nišni häkʼej jušenaʼas ıxhaj!"

Nasraddinee meb ötmišxhajni ülžumani jiğılj xhinne qʼaččij qobkuba qavʼu ejhen:

"İštte, zı injaa lezimra dešor." Mer mana ajkʼan.

Sajid ülžum ajkʼan, Nasraddin mer häzir dexha manzikejqa arajle. Mana jikʼikva ögijljqa qixha hämmašijn sual hele:

"Jišin čubabı, šokʼle acʼanne zı häšde nišni häkʼej jušenaʼas ıxhaj?"

İnsanaar ini jäqqe häzirooxhi žavab qevles. Manbišdi sa surajn ejhen:

"Ši kasibın insanaar vobunbı. Šakʼle nenčene acʼaxhes ğu nišni häkʼej jušenaʼas ıxhaj?"

Manbišdi manisa surajn ejhen:

"Šakʼle acʼan! Šakʼle acʼan ğu nišni häkʼej jušenaʼas ıxhaj!"

Qʼäsda Nasraddin sa-kʼilra fıkırramišxha ejhe:

"Manke hasre vušdi ärejni acʼanbiše djacʼanbišis vaʼäz hevležen. Zı injaa lezimra dešor." man ivho qʼaččij qobkuba qavʼu ajkʼan.